Aty nga fundi i qershorit, kur po përflitej se Ledri Vula dhe Sara Hoxha do të bëhen prindër, Sara publikoi disa foto në Instagram nga një resort në jug të vendit. Po nga i njëjti vend, ajo publikoi edhe një foto për të uruar publikisht Ledrin meqë sot feston 34-vjetorin. Fakti që në urim flet për një nga ditët më të lumtura – kohë që përputhet me kohën kur po përflitej shtatzënia – të bën të mendosh që thashethemi se do të bëhen prindër për herë të parë nuk është i pabazë.

Sikur të mos mjaftonte kjo, urimi në foto është gjithashtu “i dyshimtë”.

Kjo ishte një nga ditët më të lumtura të jetës sonë dhe isha e lumtur që e ndava me ty. [Gëzuar] për shumë ditë të tjera si këto. Gëzuar ditëlindjen për njeriun që shpresoj ta mbaj përgjithmonë pranë zemrës. #Culi.”

Pra, me fjalë të tjera, Sara flet për një nga ditët më të lumtura të jetës (që është edhe dita kur zbulon se do të bëhesh nënë), për një moment që e ndanë bashkë (shtatzënia) dhe për faktin që është e lumtur që e ndau me të (prindërimi). Idetë në kllapa mbeten thjesht aludime, pasi pavarësisht çfarë thuhet, ata kanë zgjedhur të mos komentojnë, të paktën jo drejtpërdrejtë.

Shtojcë: Hmm, po Xheraldina, mami i Ledrit, pse komenton tre zemra?

Shtojmë se në prill, Ledri pohoi për “NIN” se është gati për t’u bërë baba. Të njëjtën gjë tha edhe në intervistën e fundit në “NIN” në qershor.

"Si të jetë e shkruar. Unë me qejfin më të madh. Të gjithë shokët e mi janë bërë baballarë, vetëm unë kam ngelur. E gjithë gjenerata ime janë bërë prindër edhe kur i shoh që pavarësisht streseve dhe problemeve, kanë gjithë atë dashuri prej fëmijëve...Asgjë në botë nuk i intereson kur kanë ata afër, prandaj dua dhe unë ta kem atë ndjenjë."