Që prej thashethemeve – tashmë të konfirmuara – të shtatzënisë, Sara Hoxha ka postuar përgjithësisht selfie, ose foto të vjetra, por së fundmi vendosi të pozojë me barkun e rrumbullakosur.

“Kaq emocionuese,” shkruan Sara teksa mban dorën te barku.

Ledri dhe Sara konfirmuan shtatzëninë më 26 korrik, përmes një videoje në Instagram. Dyshja njoftoi se do të bëhen prindër të një vajze.

Zërat për shtatzëninë u përhapën në fund të qershorit, ndërkohë që në prill, Ledri pohoi për “NIN” se është gati për t’u bërë baba. Të njëjtën gjë tha edhe në intervistën e fundit në “NIN” në qershor.

"Si të jetë e shkruar. Unë me qejfin më të madh. Të gjithë shokët e mi janë bërë baballarë, vetëm unë kam ngelur. E gjithë gjenerata ime janë bërë prindër edhe kur i shoh që pavarësisht streseve dhe problemeve, kanë gjithë atë dashuri prej fëmijëve...Asgjë në botë nuk i intereson kur kanë ata afër, prandaj dua dhe unë ta kem atë ndjenjë."