LUFTUESIT E AKNEVE + EKSFOLIUESIT

Acidi azelaik

Çfarë bën: Zvogëlon hiperpigmentimin, zbeh njollat e errëta dhe vret bakteret që shkaktojnë puçrra.
Për ç’lloj lëkure: Për të gjitha llojet e lëkurave, por veçanërisht për lëkurat me tendencë akneike.
Si ta përdor: Dy herë në ditë (mëngjes dhe mbrëmje) ose një herë në çdo dy ditë për lëkurat e ndjeshme.
Informacion shtesë: Mund të shkaktojë tharje të lëkurës në vendet e aplikimit.

Acidet beta-hidroksi (BHAs)

Çfarë bën: BHAs janë acide të tretshme në vaj që zhyten thellë në lëkurë për të ulur sekretimin e vajit.
Për ç’lloj lëkure: Lëkurat me tendencë akneike dhe ato me yndyrë, pasi zvogëlojnë sekretimin e vajit si edhe parandalojnë shfaqjen e puçrrave.
Si ta përdor: Filloni ta përdorni dy herë në javë me një përqëndrim të ulët dhe rriteni me kalimin e kohës kur vini re që lëkura jua toleron.
Informacion shtesë: Mund të shkaktojë tharje të lëkurën në fillim, veçanërisht te lëkurat e thata dhe të ndjeshme.

Acidi salicilik

Çfarë bën: Ka fuqi eksfoluese, pastron poret dhe bakteret.
Për ç’lloj lëkure: Për njerëzit me lëkurë të yndyrshme ose ata me tendencë aknetike, që duan të trajtojnë veçanërisht pikat e barda dhe të zeza.
Si ta përdor: Zgjidhni një larës fytyre me bazë acidin salicilik.
Informacion shtesë: Mund të irritojë lëkurën e ndjeshme ose atë të thatë.

KUNDËR MOSHËS

Acidet alfa-hidroksi (AHA)

Çfarë bën: AHA janë acide të tretshme në ujë që stimulojnë prodhimin e kolagjenit dhe zvogëlojnë rrudhat.
Për ç’lloj lëkure: Për njerëzit me lëkurë të thatë.
Si ta përdor: Filloni me një përqendrim më të ulët dhe më pas kaloni te përdorimi i përditshëm.
Informacion shtesë: Rrit ndjeshmërinë e lëkurës ndaj rrezeve UV, prandaj përdorni SPF çdo ditë.

Bakuchiol

Çfarë bën: Anti-inflamator, anti-mikrob, rrit prodhimin e kolagjenit, zvogëlon shfaqjen e vijave të holla të rrudhave dhe hiperpigmentimin.
Për ç’lloj lëkure: I sigurt për të gjitha llojet e lëkurës, por veçanërisht i shkëlqyeshëm për lëkurën që nuk toleron retinolin.
Si ta përdor: Një deri në dy herë në ditë, në mëngjes ose mbrëmje.
Informacion shtesë: Çdo përbërës i ri mund të shkaktojë reagime. Filloni ngadalë dhe vazhdoni deri në përdorimin e përditshëm.

Acid glikolik

Çfarë bën: Minimizon poret, lufton puçrrat dhe shpejton qarkullimin e qelizave për një lëkurë më të freskët dhe më të pastër.
Për ç’lloj lëkure: Për të gjitha llojet e lëkurës, megjithëse lëkurat e ndjeshme dhe ato të thata duhet të përdorin formula me përqendrim 5%, maksimumi.
Si ta përdor: Vendoseni çdo ditë në përqendrime deri në 10% në serume, tonerë dhe larës.
Informacion shtesë: Mund të shkaktojë acarim në lëkurë të thatë ose të ndjeshme, ose djegie sipërfaqësore.

Retinoli

Çfarë bën: Derivat i vitaminës A, parandalon pakësimin e kolagjenit, inkurajon qarkullimin e qelizave të lëkurës dhe parandalon rrudhat.
Për ç’lloj lëkure: E sigurt për të gjitha llojet e lëkurës, por më së shumti për dikë që dëshiron të parandalojë shenjat e plakjes.
Si ta përdor: Përdorni një herë në ditë para gjumit, duke rritur dozat pasi të mësohet lëkura.
Informacion shtesë: Retinoli mund të jetë irritues dhe të shkaktojë skuqje dhe thatësi në fillim. Meqenëse rrit ndjeshmërinë ndaj diellit, përdorni SPF çdo ditë.

HIDRATUESIT + ZBUTËSIT E LËKURËS

Ceramidet

Çfarë bën: Mban qelizat e lëkurës të bashkuara për të ndihmuar në formimin e një vule të papërshkueshme nga uji dhe një barrierë të shëndetshme që e mban lëkurën të hidratuar.
Për ç’lloj lëkure: Për të gjithë njerëzit, por veçanërisht për ata me lëkurë të irrituar ose të thatë dhe kruarje.
Si ta përdor: Aplikojeni çdo ditë në një locion ose krem.
Informacion shtesë: Ceramidet OTC janë bio-identike me ato që lëkura prodhon natyrshëm.

Cica

Çfarë bën: Centella asiatica (a.k.a. cica) është një barishte e pasur me anti-inflamatorë që qetëson skuqjen dhe acarimin, rregullon sintezën e kolagjenit dhe mbron lëkurën nga dëmtimi i mjedisit.
Për ç’lloj lëkure: Për të gjithë, por veçanërisht përata që luftojnë me puçrrat, rosacea, ose thatësi dhe ndjeshmëri të theksuar.
Si ta përdor: Aplikoni një krem me cica për të pastruar lëkurën në mbrëmje.
Informacion shtesë: Kontrolloni listën e përbërësve - cica, centella asiatica, ose madecassoside duhet të jenë në fillim.

Humectants

Çfarë bën: Përbërës që e duan ujin dhe tërheqin lagështi në lëkurë për të ndihmuar në rritjen e përmbajtjes së lagështisë me kalimin e kohës.
Për ç’lloj lëkure: Çdo lloj lëkure, por veçanërisht për lëkurën e thatë.
Si ta përdor: Aplikojeni një deri në dy herë në ditë.
Informacion shtesë: Mund të rrisin thatësinë e lëkurës nëse jetoni në një mjedis shumë të thatë.

Acid Hialuronik (HA)

Çfarë bën: Hidraton, zbut dhe e bën lëkurën më të shëndetshme.
Për ç’lloj lëkure: Për të gjitha llojet e lëkurës, por veçanërisht për lëkurën e thatë që ka nevojë për hidratim të thellë.
Si ta përdor: Më shpesh gjendet në produktet që lihen në lëkurë. HA mund të përdoret dy herë në ditë, edhe në lëkurë të ndjeshme.
Informacion shtesë: Lëkura prodhon më pak HA natyral me moshën, gjë që kontribuon në shfaqjen e rrudhave.

Niacinamide

Çfarë bën: Vlerësohet për përfitimet anti-inflamatore, qetësuese dhe ndriçuese.
Për ç’lloj lëkure: Të gjitha llojet e lëkurës; mund të ndihmojë në zvogëlimin e prodhimit të sebumit në lëkurën e yndyrshme, të mbajë lagështirën në lëkurën e thatë dhe të nxisë prodhimin e ceramideve për të riparuar lëkurën e prekur nga rosacea ose ekzema.
Si ta përdor: Zakonisht gjendjet në produkte të lehta si serume dhe kremra dhe përdoret më mirë dy herë në ditë.
Informacion shtesë: Mënyra se si niacinamidet punojnë në lëkurë nuk është kuptuar plotësisht, por disa studime kanë treguar përfitime klinike të kujdesit për lëkurën.

Burimi: Good Housekeeping, Healthline