Drejtoresha artistike e koleksioneve të bizhuve dhe orave në Louis Vuitton është e njohur për koleksionet e saj të veçanta. Francesca Amfitheatrof, e cila u bë e famshme me krijimet e saj në Tiffany & Co, krijon për LV që prej marsit të vitit 2018.
Koleksioni i fundit i bizhuve luksoze, Stellar Times, është një frymëzim nga yjësitë dhe eksplorimi i universit.
Koleksioni përbëhet nga 90 bizhu, të punuara me materiale dhe gurë të çmuar, si diamante, opalë, safirë, rubinë, smeraldë, turmalina etj.
Në një deklaratë, Francesca u shpreh (via Luxury Launches) se u frymëzua nga gurët që përfaqësojnë planetët dhe ndihet “e hipnotizuar nga pafundësia e kozmosit”.
“Disa nga astronautët më të mira sot janë gra. Marka pasqyron këto përparime të pabesueshme dhe ka qenë gjithnjë pionere e guximshme në udhëtime dhe aventura.”
