Çfarë po ndodh rreth nesh

Qytetet më të shtrenjta në botë, për të jetuar gjatë një pandemie

Shkruar nga Anabel

18 Nëntor 2020

Qytetet më të shtrenjta në botë, për të jetuar

Një ëndërr apo plan i ardhshëm për shumë njerëz mund të jetë: Zhvendosja në një qytet të madh dhe fillimi i një jete të re.

Por, siç e dimë të gjithë, jetesa metropolitane ka një kosto, veçanërisht nëse zgjidhni qytete të caktuara, të cilat, sipas një studimi të ri, janë qytetet më të shtrenjta në botë.

Njësia e Inteligjencës The Economist (EIU), e cila vlerëson 133 qytete globale dhe krahason çmimin e një shporte me 138 artikuj të përditshëm në secilin, ka renditur vendet më të shtrenjta.

Luhatjet e valutave për shkak të pandemisë, të cilat kanë përfshirë një rënie të dollarit amerikan, nënkuptojnë që destinacionet në Afrikë, Amerikë dhe Evropën Lindore janë bërë më pak të shtrenjta që nga marsi, ndërsa Europa perëndimore, kur euro është rritur në vlerë kundrejt dollarit, ka parë rritje të çmimeve. Franga zvicerane është rritur gjithashtu në vlerë.

Studimi dhe sondazhet e bëra zbuluan gjithashtu se edhe çmimet për produktet elekronike kanë ndryshuar, duke u rritur globalisht. Çmimet e veshjeve ndërkohë, janë ulur. Të dyja ndryshimet vijnë për shkak të njerëzve që punojnë nga shtëpia.

Produktet kryesore ushqimore kryesisht kanë të njëjtin çmim, ndërsa produktet e kujdesit personal, duhani dhe alkooli janë rritur të gjitha.

“Pandemia ka transformuar sjelljen e konsumatorit, pasi bllokimet dhe tendencat e tilla si puna nga shtëpia kanë rritur çmimet e elektronikës së konsumit dhe pajisjet e vaktit në shtëpi kanë zënë vendin e ngrënies së restorantit për familjet e klasës së mesme", u shpreh Upasana Dutt, kreu i kostos botërore të jetesës në EIU.

Sa për të ardhmen, EIU parashikon që tendencat do të vazhojnë, pra edhe gjatë 2021-shit, njerëzit do u japin përparësi prodhimeve kryesore dhe argëtimit në shtëpi sesa veshjeve.