KORONAVIRUS

Kërkon aprovimin: Vaksina me një dozë të vetme bën një hap para

Shkruar nga Anabel

5 Shkurt 2021

Kërkon aprovimin: Vaksina me një dozë të vetme bën

Kompania Johnson & Johnson ka kërkuar nga Federata Amerikane për Ushqimin dhe Barnat (FDA) miratimin e vaksinës së saj, e cila kryhet me një dozë të vetme dhe mund të shërbejë duke thjeshtuar fushatën e imunizimit dhe virusi të përhapet më ngadalë.

Aplikimi te FDA vjen pas raportit të 29 janarit në të cilin kompania - një korporatë shumëkombëshe amerikane e themeluar në vitin 1886 e cila zhvillon pajisje mjekësore, farmaceutike dhe mallra të paketuar për konsum - tha se vaksina kishte një normë 66% të parandalimit të infeksioneve në provën e saj të globale.

J&J u shpreh se gjithashtu se do të aplikojë tek autoritetet europiane për miratim në javët e ardhshme.

"Me autorizimin e vaksinës sonë për Covid-19 për përdorim emergjent, ne jemi gati të fillojmë transportin", tha drejtori shkencor i kompanisë, Paul Stoffels në një deklaratë.

FDA ndërkohë ka kërkuar debat publik në lidhje me të dhënat e vaksinës pas dozës së parë. Gjatë një konferencë të fundit, zyrtari i lartë i shëndetit në SHBA, Dr. Anthony Fauci, tha se rezultatet e provës së vaksinës Johnson & Johnson nënkuptojnë se "tani kemi një kandidat shtesë të vlerës së shtuar të vaksinës".

Kërkon aprovimin: Vaksina me një dozë të vetme bën

Shumica e vaksinave që përdoren në të gjithë botën për momentin kërkojnë dy doza. Por vaksinat me një dozë të vetme janë dukshëm më të lehta për t’u shpërndarë në popullata, veçanërisht në territoret ku mund të jetë një sfidë e madhe gjurmimi i njerëzve pas dozës së parë.

Vaksina e J&J transporton gjenin “spike” në trup, ku qelizat bëjnë kopje të parrezikshme të proteinave për të mbushur sistemin imunitar në rast se shfaqet virusi i vërtetë. Vaksina e zhvilluar nga AstraZeneca dhe Universiteti i Oxfordit funksionon në mënyrë të ngjashme, por kërkon dy doza.

Të dy vaksinat AstraZeneca dhe J&J mund të ruhen në një frigorifer të zakonshëm, duke e bërë më të lehtë transportimin dhe përdorimin në vendet në zhvillim.

Kërkon aprovimin: Vaksina me një dozë të vetme bën

Burimet: Guardian, Euronews