Dr. Clare Wenham, pjesë e stafit të London School of Economics, thotë se jeta në Mbretërinë e Bashkuar nuk do t’i kthehet normalitetit derisa gjithë popullatat në botë të vaksinohen dhe se pandemia do “dominojë pjesë të mëdha të shëndetit deri në vitin 2024”.
Ekspertja e shëndetësisë mendon se arsyeja kryesore për këtë është vonesa për të vaksinuar gjith njerëzit në botë.
"Për momentin, të dhënat tregojnë se do jetë viti 2023-2024 përpara se vaksinat të shpërndahen globalisht në gjithë botën”, u shpreh Dr. Wenham për Sky NeWs.
Britania e Madhe aktualisht ka një nga nivelet më të larta të mbulimit të vaksinave, së bashku me Izraelin dhe Emiratet e Bashkuara Arabe, por shumë vende të varfëra ende nuk kanë filluar imunizimet.
Drejtori i përgjithshëm i OBSH-së, dr. Tedros Adhanom Ghebreyesus, vazhdimisht ka bërë thirrje për shpërndarje të drejtë të vaksinave dhe paralajmëroi se një qasje "unë i pari" do të zgjaste pandeminë, si dhe vuajtjet njerëzore dhe ekonomike.
Sir Jeremy Farrar, një anëtar i Grupit Këshillimor Shkencor të Qeverisë për Emergjencat (SAGE), gjithashtu ka paralajmëruar se vaksinimi i "shumë njerëzve në disa vende, duke e lënë virusin të pakontrolluar në pjesë të mëdha të botës, do të çojë në shfaqjen e më shumë varianteve.”
- Sipas Skënder Brataj, varianti i ri i Covid-19 edhe mund të ketë hyrë në Shqipëri
- Europa shton kufizimet në lëvizje kundër Covid-19
- Komiteti i Ekspertëve tregon se kur do të merret vendimi për hapjen e universiteteve!
- Mbërrin vaksina e Pfizer, Rama: ‘Janë më pak nga ç’pritej, por sidoqoftë nis vaksinimi i dytë'
- Variantet e Covid: A janë konfirmuar në Shqipëri, ashtu si në Kosovë dhe vende të tjera në Ballkan
- Koronavirusi në Shqipëri: Më i transmetueshëm dhe/ose më i rrezikshëm?
Burimi: CNN