Instituti i Statistikave (INSTAT) ka përgatitur një raport vjetor për rajonet e Shqipërisë, ku ndër të tjera, tregon edhe një cilësi/fakt që dallon pjesën tjetër të qyteteve brenda Shqipërisë.

Sipas raportit, rezultatet për secilin qytet janë si më poshtë:

Qarku Berat: Është qarku me prodhimin më të madh të ullinjve, duke mbuluar 14 % të prodhimit gjithsej.

Qarku Dibër: Mesatarja më e ulët mujore për shpenzimet për familje (67,805 lekë).

Qarku Durrës: Qarku i dytë për nga numri i lejeve të ndërtimit të lëshuara për ndërtesa të reja (152).

Qarku Elbasan: Qarku i dytë për nga numri i gjedhëve (43,100 krerë).

Qarku Fier: Qarku i dytë për PBB-në rajonale për frymë (599,000 lekë).

Qarku Gjirokastër: Qarku me gjenerimin më të madh të mbeturinave (0,75 ton) për frymë.

Qarku Korçë: Qarku i dytë për pjesëmarrje në forcat e punës (68.4%), për popullsinë 15+.

Qarku Kukës: Qarku me shkallën më të lartë të rritjes natyrore të popullsisë (7.42) për 1.000 banorë.

Qarku Lezhë: Qarku me shkallën më të lartë të papunësisë (17,7%), për popullsinë 15+.

Qarku Shkodër: Përqindja më e lartë e nxënësve të regjistruar në arsimin e mesëm privat (17,8 %), në krahasim me arsimin publik.

Qarku Tiranë: Qarku me shkallën më të lartë të migrimit të brendshëm
neto (10,5) për 1.000 banorë.

Qarku Vlorë: Qarku me prodhimin më të madh të agrumeve, 68 % e
prodhimit gjithsej.

Për raportin e plotë, lexoni këtu.