Qëndrimi me kokë poshtë mund të jetë një aktivitet argëtues. Mund të të bëjë të ndihesh përsëri si fëmijë, por disa të rritur në ditët e sotme po e praktikojnë të qëndrojnë me kokë arsye të tjera. Terapia e përmbysjes është një formë e terapisë fizike që mund të ndihmojë me dhimbjen e shpinës. Qëllimi është të qëndrosh me kokë poshtë dhe të shtrihet shtylla kurrizore. Por çfarë thonë ekspertët?

Përfitimet

Kjo terapi mund të shtrijë shtyllën kurrizore dhe të ulë presionin midis vertebrave. Gjithashtu mund të rrisë hapësirën midis rruazave. Përfitimet e mundshme të qëndrimit me kokë poshtë përfshijnë:

- lehtësim afatshkurtër i dhimbjes së shpinës
- shëndet i përmirësuar i shtyllës kurrizore
- fleksibilitet i shtuar

Por kini parasysh, ka pak prova për të mbështetur efikasitetin e këtyre përfitimeve. Studimet gjithashtu ende nuk kanë konfirmuar përfitimet e teknikës.

Rreziqet

Kjo terapi nuk është e sigurt për të gjithë. Teksa qëndroni përmbys për më shumë se disa minuta, tensioni i gjakut rritet. Rrahjet e zemrës ngadalësohen. Ka gjithashtu një presion të rritur te sytë. Shmangni terapinë e përmbysjes nëse keni:

- presion të lartë të gjakut
- probleme me zemrën
- glaukoma
- frakturë në shpinë ose këmbë
- osteoporozë
- hernie

Qëndrimi me kokë poshtë nuk është i sigurt nëse jeni mbipeshë ose shtatzënë. Këshillohuni paraprakisht me mjekun.

Burimet: Healthline, Mayo Clinic