Lajmet nga familja Kardashian nuk kanë munguar aspak kohët e fundit, duke filluar nga divorci i Kim deri tek lidhja e Kourtney-t me Travis Barker. Sidoqoftë, lajmi i sotëm është për Khloe-n. Në një postim në story-t e Instagram ajo thotë se "ka diçka që e irriton". Mund ta merrni me mend se çfarë? Ndoshta akuzat për photoshop? Një foto me bikini? Fakti që ka gjatësi të ndryshme në foto të ndryshme? Jo, asnjë nga këto. Khloe u irritua nga një shishe plastike uji.
Pasi ndau entuziasmin për faktin se gjithnjë e më shumë njerëz po përdorin shishen e saj të preferuar të ri-përdorshme, Kardashian vazhdoi të flasë për faktin se sa e shqetësuar është që njerëzit përdorin shishe uji plastike.
"Shoh njerëz që marrin ujë nga shishe të mëdha plastike dhe i vendosin në një shishe tjetër miqësore ndaj mjedisit. Kjo e mposht disi qëllimin, sepse ato shishe uji do të shkojnë diku dhe potencialisht mund të shkaktojnë ndotje. Ne jemi duke u përpjekur ta kufizojmë përdorimin e plastikës!"
Khloe is really out here trying to shame her followers for using single use water bottles, when every party they throw looks like this (next tweet) ?? This girl is too much pic.twitter.com/tBdqDeGH7U
— imheretowatch (@imheretowatch1) June 7, 2021
Deri këtu, Khloe ka të drejtë. Sidoqoftë, përdoruesit e rrjeteve socialë u treguan të shpejtë dhe theksuan se sa "hipokrizi" është i gjithë postimi i saj. Njerëzit na rikujtuan duke shpërndarë përsëri fotot e festës së ditëlindjes së fundit që Kardashian organizoi për vajzën e saj True, e cila përmbante qindra tullumbace për 3-vjeçaren. Tullumbacet, siç dihet gjerësisht, nuk janë dhe aq miqësore ndaj mjedisit, ato mund të shkaktojnë dëme të konsiderueshme në jetën detare dhe duan 6 muaj deri në 4 vite për "t'u prishur".
If there was a hypocrite of the CENTURY award Khloe would win by a landslideeeee #sooutoftouch pic.twitter.com/PLia8VBHMi
— imheretowatch (@imheretowatch1) June 7, 2021
Ndër të tjera, kishte edhe kritika për fiksimin e Khloe-s me lulet natyrale dhe ndikimin negativ që lulet e prera kanë në mjedisin në tërësi. Ata që u futën edhe më thellë në "investigime", gjetën edhe fotografi nga frigoriferi i Kardashian, ku duken shumë produkte të mbështjella në plastikë.
Postimet e saj në Instagram përfundojnë me "thjesht po përpiqem të ndihmoj me gjërat e vogla që di për mjedisin".
Pas shumë reagimeve nga njerëzit, Khloe u përgjigj ditën tjetër:
"Unë jam vazhdmisht duke mësuar dhe duke u përpjekur të jem më e mirë me mjedisin, për hir të vajzës sime", duke shtuar se "nuk po përpiqej të tallte zgjedhjet e askujt" dhe se thjesht "po kërkon të përfshijë praktika më të qëndrueshme në jetën e saj".
Burimi: The Cut
