Zyrtarisht, “Tomdaya”? Mesa duket po. Dy yjet e “Spider-Man: Homecoming”, Zendaya dhe Tom Holland, u fotografuan nga paparacët duke u puthur në makinën e Holland.
Aktori u pa duke përkëdhelur fytyrën e Zendaya-s dhe pastaj shkëmbyen një puthje.
Sipas Page Six, ata u fotografuan në lagjen Silver Lake në Los Angeles, ku banon nëna e Zendaya-s, Claire Stoermer. Aktorët u panë duke dalë nga shtëpia e Stoermer, gjë që do të thotë se raporti i tyre është serioz.
Pas “Spider-Man: Homecoming” – ku Holland luante Peter Parker, ndërsa Zendaya shoqen e tij, Michelle – është e paqartë se kur nisi romanca e tyre, pasi deri në korrik 2019, Tom fotografohej duke mbajtur duart e kapura me Olivia Boldon.
Në 2017-n, një burim tha për People se “ata janë jashtëzakonisht të kujdesshëm për ta mbajtur lidhjen private dhe larg vëmendjes së publikut, por kanë shkuar me pushime me njëri-tjetrin dhe përpiqen të kalojnë sa më shumë kohë të jetë e mundur”.
Asokohe, të dy qeshën me thashethemin në rrjete sociale. Thashethemet se janë bashkë qarkullojnë prej vitesh dhe mesa duket, (tashmë) janë të vërteta.
