Nëse keni vendosur të keni një kujtim të përjetshëm dhe paksa të çmendur, duke bërë një tatuazh në buzë, fillimisht mësoni çfarë duhet të dini.

- Tatuazhi në buzë zbehet shpejt

Kjo mund të jetë një gjë e mirë ose e keqe, varet si e mendoni. Jetëgjatësia e shkurtuar në krahasim me tatuazhet në lëkurën e jashtme është për shkak të qarkullimit të shpejtë të qelizave të lëkurës në gojë, që do të thotë se boja lëshohet më shpejt. Mesatarisht, një tatuazh i brendshëm i buzëve zakonisht do të zgjasë një deri në pesë vjet para se të fillojë të zbehet.

- Sidoqoftë, nuk do zhduket tërësisht

Ndonëse zbehet, tatuazhi nuk do zhduket plotësisht. Me kalimin e kohës, ai do lërë një gjurmë të lehtë për pjesën tjetër të jetës.

- Tatuazhi në buzë dhemb

Buzët tuaja janë të mbushura me mbaresa nervore, duke i bërë ato një nga zonat më të ndjeshme të trupit. Kjo do të thotë që, për fat të keq, të bësh një tatuazh të buzëve mund t'ju dhembë. Sidoqoftë,  toleranca e dhimbjes së secilit është e ndryshme.

- Koha e shërimit është e shpejtë

Falë asaj shpejtësie të shpejtë të qarkullimit të qelizave në gojë,  buza juaj e brendshme do të kthehet në normalitet për rreth dy javë, veçanërisht nëse kujdeseni shumë mirë për zonën ndërsa shërohet.

- Kujdesi pas tatuazhit është thelbësor

Ashtu si me të gjitha tatuazhet, kujdesi pas tij është shumë i rëndësishëm. Jo vetëm që ndihmon në përshpejtimin e procesit të shërimit, por ndihmon edhe që tatuazhi të qëndrojë i freskët. Flisni me tatuazhistin tuaj ose një mjek, për t'u siguruar që kujdesi të jetë maksimal.

- Mund të infektohet

Një nga gjërat më të rrezikshme në lidhje me tatuazhet e brendshme të buzëve është mundësia e infeksionit. Kjo sepse ka shumë baktere në zgavrën e gojës dhe mund të jetë sfiduese ta mbash zonën gjithnjë të pastër.

- Zgjidhni me kujdes

Sighurohuni të zgjidhni një profesionist. Kjo vlen për çdo tatuazh, veçanërisht një që është brenda gojës.

Burimi: Bustle