Le të vazhdojnë lojërat. Sezoni dytë i “Squid Game” u konfirmua.

"Ju nuk na latë asnjë zgjidhje," tha Hwang Dong-hyuk, krijuesi i “Squid Game”, seriali që u bë seriali më i popullarizuar në historinë e Netflix.

"Do të ketë vërtet një sezon të dytë. Është në kokën time tani," tha Hwang, sipas Associated Press. "Unë jam në procesin e planifikimit aktualisht."

Edhe pse ai tha se është shumë herët për të thënë se kur mund të shfaqet sezoni i dytë në Netflix, Hwang premtoi se personazhi kryesor i “Squid Game”, Gi-hun, do të kthehej dhe "do të bënte diçka për botën”. Sezoni i dytë mund të ketë më në qendër antagonistin e maskuar, Front Man.

Përfundimi i sezonit të parë nënkuptoi pikërisht këtë gjë.