Dikush është #TeamJacob! Taylor Lautner dhe e dashura e tij, Tay Dome, kanë hedhur një hap tjetër në raportin e tyre.

Ata postuan foto në rrjete sociale nga propozimi romantik i martesës, ku shihen të rrethuar me petale trëndafili dhe qirinj. Ylli i “Twilight” qëndron i ulur në gju dhe në dorë mban kutinë me unazën.

“11.11.2021. Dhe kështu, të gjitha dëshirat e mia u plotësuan,” shkroi ai në Instagram. Në një tjetër postim, 29-vjeçari shprehet:

Mezi pres të kaloj jetën përgjithmonë me ty Tay Dome. Ti më do pa kushte. Ti më qetëson kur jam në ankth. Ti më bën të qesh shumë. Ti e bën çdo ditë që kaloj me ty shumë speciale. Dhe më e rëndësishmja, më bën një person më të mirë. Nuk mund të të falënderoj sa duhet për çfarë që ke sjellë në jetën time. Të dua përgjithmonë.”

Tay, me profesion infermiere, shkroi: “Shoku im më i mirë. Mezi pres të kaloj jetën me ty.” Ata dolën publikisht si çift në vitin 2018, kur aktori postoi një foto në Instagram.