Britney Spears nuk e priti mirë vendimin e Christina Aguilera-s për të mos komentuar çështjen e kujdestarisë abuzuese 13-vjeçare të Spears.

Princesha e popit postoi në Instagram një video ku shfaqet Christina Aguilera në tapetin e kuq të Latin Grammy. Në video, një gazetar e pyet nëse ka komunikuar me Spears pas përfundimit të kujdestarisë 13-vjeçare. Publicisti i Aguilera-s më pas ndërhyn për pyetjen e gazetarit për ta tërhequr Aguilera-n, pasi thotë: "Jo, ne nuk do të merremi me këtë sot. Më vjen keq."

Aguilera rrudh vetullat, duke u thënë gazetarëve se nuk mund t'i përgjigjet pyetjes përpara se të largohet duke shtuar: "Por unë jam e lumtur për të".

Spears postoi videon e Aguilera-s krahas mesazhit: “I dua dhe adhuroj të gjithë ata që më kanë mbështetur...por të refuzosh të flasësh kur e di të vërtetën është e barabartë me një gënjeshtër!!! 13 vjet që jemi në një sistem abuziv të korruptuar, pse është një temë kaq e vështirë për njerëzit që të flasin??? Unë jam ajo që e kalova!!! Të gjithë mbështetësit që folën dhe më mbështetën, faleminderit…po, unë kam rëndësi!”

Britney dhe Christina u bënë të famshme së bashku në "The Mickey Mouse Club" të Disney-t, ku luajtën bashkë nga 1993-1994. Si adoleshente, të dyja u katapultuan drejt suksesit ndërkombëtar në të njëjtën kohë.

Në qershor, pas dëshmisë tronditëse të Spears për abuzimin që ajo pretendon se pësoi gjatë kujdestarisë, Aguilera shprehu mbështetjen e saj për Spears, postoi një foto të fëmijërisë së bashku me një deklaratë, ku thuhej pjesërisht, "Këto ditët e fundit, unë kam menduar për Britney-n dhe gjithçka që ajo po kalon. Është e papranueshme që çdo grua, apo njeri, që dëshiron të kontrollojë fatin e vet, mund të mos lejohet të jetojë ashtu siç dëshiron.”

Teksa Aguilera iu shmang pyetjes rreth Spears, Lady Gaga (e cila ishte në një tjetër event në tapetin e kuq të enjten, premiera e filmit "House of Gucci" në Los Angeles), foli gjerësisht për Spears kur u pyet për lirinë e saj.

“Faleminderit Lady Gaga që me të vërtetë gjete kohë për të thënë diçka kaq të sjellshme,” shkroi Spears në Instagram Stories. "Ti më bëre të qaj!!! Të dua!!!"