Na vjen keq për Tom Holland, por le ta pranojmë që prania e Zendaya e eklipson tërësisht. Në fakt, për të qenë më të saktë, stili dhe super flokët e saj, që marrin gjithë vëmendjen e fotos së shkrepur nga paparacët që brenda pak orësh, bëri xhiron e botës.

Aktorja, e cil gjithnjë ka dalluar për stilin e saj u shfaq krah të dashurit të saj, Tom Holland, por pak u fol për duart e shtrënguara dhe romancën që është në ditët më të mira. 

Të gjithë sytë ishin tek look-u i Zendaya-s. E veshur fare thjeshtë: me një këmishë të zezë, një rrip mesi dhe taka elegante, "aksesori" më i adhurueshëm i aktores ishin flokët! Voluminozë, me shkëlqim dhe super të shëndetshëm, nuk mund të dukeshin më të bukur se kaq, aq më tepër në një foto të shkrepur pa mendje. 

Volumi i viteve '90-të është në fakt çfarë kërkojmë kur duam flokë të krehura me KAQ volum. Kur themi këtë, presim që rezultati të jetë i ngjashëm me këtë të Zendaya-s, e cila bashkë me Tom-in i ka hipnotizuar të gjithë së fundmi.