Gjyqi Depp-Heard sa vjen dhe bëhet më interesant, duke e bërë internetin që të vlojë nga mendimet, kritikat, pëlqimet, memet dhe thashethemet. Rishtazi, të gjithë kanë vënë re se Johnny nuk ka bërë asnjë kontakt sy më sy me ish-gruan e tij, Amber Heard dhe fatmirësisht, përgjigjen e dha Camille Vasquez.

“Mirëmëngjes znj. Heard”, - nisi ajo të zgjidhte enigmën, - “z. Depp nuk ju ka parë kurrë gjatë gjithë gjyqit, apo jo?”. *Të gjithë sytë te Camille*.

Amber ndezi mikrofonin dhe tha: “Me sa kam vënë re, jo”. *Suspancë*.

- Ju e keni parë shumë herë, apo jo?” *Camille kjo*.

- Po, e kam parë. *Amber, sigurisht*.

- Ju e dini shumë mirë pse z. Depp nuk ju sheh në sy, apo jo? – pyeti Camille.

- E di, - u përgjigj Amber.

- Ai ju ka premtuar se nuk do ia shihni më sytë, është e vërtetë? – pyeti Camille dhe ne e dimë se ç’po mendon! *Z. Depp është një burrë i fjalës!*.

- S’e mbaj mend ta ketë thënë këtë, - u kundërpërgjigj Amber.

Dhe këtu, Camille nxorri asin nën mëngë: një kasetë të regjistruar ku Johnny thoshte: “Nuk jam asgjë për ty dhe nuk do të jem kurrë asgjë për ty! Nuk do ta shohim më kurrë njëri-tjetrin. Nuk do t’i shohësh më kurrë sytë e mi!”.

Kjo pra ishte arsyeja. Faleminderit Camille!

Artikuj të rekomanduar: