Kalush Orchestra, grupi ukrainas që fitoi Eurovision këtë vit, ka shitur trofeun për 900,000 dollarë për të mbledhur para për luftën në Ukrainë.
Mikrofoni i kristaltë u hodh në ankand në Facebook, me qëllim blerjen e dronëve për ushtrinë e Ukrainës. Mediat raportojnë se paratë e mbledhura nga shitja e trofeut do të përdoren për të blerë tre drone PD-2 të prodhimit ukrainas.
?? Kalush Orchestra sells Eurovision trophy, raises $900,000 for Ukraine’s Armed Forces.
— The Kyiv Independent (@KyivIndependent) May 29, 2022
The 2022 Eurovision winner’s frontman, Oleg Psyuk, also sold his iconic pink bucket hat. The auction’s proceeds will be used to buy PD-2 unmanned aerial systems for Ukraine’s military.
Dronët përdoren shumë nga forcat ukrainase dhe ruse, si armë ashtu edhe si avionë zbulimi.
Shitja përkoi me paraqitjen e grupit në një koncert bamirësie në Brandenburg Gate në Berlin. Në koncert, anëtari i grupit Oleh Psiuk bëri thirrje që njerëzit të mos mësohen me luftën.
"Unë mendoj se [lufta] duhet të jetë gjithmonë në faqet e para, derisa të vijë paqja," tha Psiuk.
