Dojna Mema gjatë një Q&A në Instagramin e saj, iu përgjigj shumë pyetjeve në lidhje me shtatzëninë, por më e ndjera nga gjithë çfarë ndau me ndjekësit ishte historia e takimit të Vlashent Satës dhe babait të saj.

"A e pate mundësinë të prezantoje babin me Vlashentin?"- e pyet dikush.

"Po dhe është një nga gjërat për të cilat jam më shumë e lumtur në fakt. Për këtë duhet t'ia di për nder Vlashentit. Ne kishim vetëm 1 muaj e gjysmë të lidhur, shumë pak dhe normalisht ti nuk ia prezanton familjes dikë me të cilin ke vetëm 1 muaj e gjysmë. Ia bëra si kërkesë në majë të gishtave asokohe dhe Vlashenti pranoi, absolutisht që pranoi. E ka jetuar babin tim për 1 vit, vitin e fundit. Një nga kujtimet më të bukura që kam është kur Vlashenti vinte tek shtëpia ime dhe luante për tim atë në piano ose kitarë muzikë italine. Ai ishte fans i madh i muzikës italiane. Mes gjithë asaj fatkeqësie që na ndodhi të paktën jam e lumtur që Vlashenti e takoi babin dhe babi atë. Të paktën në këtë sens ishte pak më i qetë."- tregoi Dojna.

Dojna Mema humbi të atin në dhjetor të 2019 pas luftës me një sëmundje të rëndë.

Në dhjetor të 2020 ajo dhe Vlashenti bënë publike romancën e tyre e ndërsa në mars të 2022, moderatorja zbuloi se është shtatzënë. Ajo dhe këngëtari presin të bëhen për herë të parë prindër të një djali.