Beyoncé po e çon albumin e saj në një nivel tjetër. Ditën e sotme, 28 korrik, këngëtarja postoi një mesazh ku e përshkruante albumin si pjesë të një "projekti me tre akte".

Në shënimin e saj, Beyoncé ri-deklaroi procesin krijues të albumit që zgjati tre vite dhe për të cilin ajo ka punuar për të gjithë detajet gjatë pandemisë.

Albumi i ri pason "Lemonade" të vitit 2016 dhe është referuar si "Akti I" që nga njoftimi i tij fillestar në mes të qershorit.

Dihet pak sa i përket asaj se si do të ndahen të tre pjesët - përkatësisht nëse të tre pjesët do të jenë akoma nën "Rilindje" ose nëse do të kenë tituj të tjerë të caktuar.

“Krijimi i këtij albumi më lejoi një vend për të ëndërruar dhe për të gjetur arratisje gjatë një kohe të frikshme për botën. Më lejoi të ndjehesha e lirë dhe aventureske në një kohë kur pak po lëvizte. Synimi im ishte të krijoja një vend të sigurt, një vend pa gjykim, një vend për të qenë pa perfeksionizëm. Një vend për të bërtitur, lëshuar, për të ndjerë liri. Ishte një udhëtim i bukur eksplorimi.”

Në foto janë tre fëmijët e saj - Rumi, Sir dhe Blue Ivy - të cilët ajo i falënderoi për "hapësirën, krijimtarinë dhe frymëzimin". Ajo gjithashtu shprehu mirënjohje për bashkëshortin Jay-Z dhe prindërit e saj.

Në foto është edhe xhaxhai i Beyonce, të cilin ajo e konsideron si personin e parë që e prezantoi me muzikë dhe kulturë të mirë.

Përshkrimi emocionues dhe ndarja në tre pjesë e projektit - po e bëjnë "Renaissance" edhe më interesant.

Burimi: Variety