Meghan Mic-le? Njerëzit në Twitter po spekulojnë se Meghan Markle kishte një mikrofon sekret nën fustanin e saj teksa përshëndeste njerëzit në kështjellën Windsor të shtunën, pas vdekjes së mbretëreshës Elizabeth II.

Disa njerëz vunë re një rrudhë misterioze në formë katrori në fustanin e dukeshës. Sipas shumë komenteve, ajo mund ta ketë përdorur mikrofonin për të mbledhur materiale për prodhimet e saj në Netflix.

“Nuk mund ta besoj që ajo po e regjistron këtë. Është thjesht toksike,” tha dikush. “A po e përdor Meghan Markle mikrofonin për të përdorur vdekjen e mbretëreshës për shfaqjen e saj në Netflix?” pyeti një tjetër.

Megjithatë, të tjerë vunë në dukje se spekulimet ishin të papërshtatshme dhe ka të ngjarë të jenë të pavërteta. “Lëreni Harry-n dhe Meghan-in rehat,” tha dikush. Një tjetër përdoruese e Twitter spekuloi se mund të jetë një aparat që mat nivelet e sheqerit në gjak, pasi “shtatzënia në fillim të të 40-ave mund të shkaktojë hipoglicemi.”

Një burim i brendshëm tha për Page Six se akuza është e pabazë. “Kjo është çmenduri dhe në fakt e dëmshme për të. Sigurisht që ajo nuk mbante mikrofon.”