Kourtney Kardashian, thotë se ajo dhe vajza e saj, Penelope, shpesh ndajnë të njëjtin shtrat.
"Ajo ka fjetur me mua çdo ditë që kur ka lindur dhe pothuajse ende fle. Jemi shumë të afërta", shprehet Khloe për të bijën 10-vjeçare që shpesh e cilëson si një version "mini" të saj.
Pak kohë më parë, edhe aktorja e "Clueless", Alicia Silverstone, tha se ndan të njëjtin shtrat me të birin e saj 11 vjeç.
Si është qëndrimi i ekspertëve sa i përket kufirit se kur fëmijët duhet të fillojnë të flenë gjithnjë e më shumë vetëm?
Dr. Basora-Rovira, pjesë e Akademisë Amerikanë të Pediatrisë, thotë se nuk ka një moshë specifike që është “shumë e madhe” për të fjetur me prindin.
Ajo inkurajon prindërit që të mos e praktikojnë fare të fjeturit bashkë që në fillim. Dhe, nëse tashmë jeni duke fjetur me fëmijën tuaj, përpiquni ta zhvendosni atë nga shtrati dhe në dhomën e tij/saj, sa më shpejt të jetë e mundur.
“Kjo do të jetë e dobishme, si për prindërit, ashtu edhe për fëmijët”, shpjegon dr. Basora.
Hulumtimet tregojnë përfitimet e mëposhtme për fëmijët që flenë vetë:
-Më pak vështirësi për të fjetur
-Kanë tendencë të flenë më gjatë dhe të zgjohen më pak
-Më pak probleme me zgjimin në mëngjes
-Më pak probleme me gjumin në të ardhmen
"Rekomandimi i përgjithshëm është që fëmijët duhet të flenë vetë, në sipërfaqen e tyre, në dhomën e tyre."
Prindërit duhet të dinë se të gjithë profesionistët nga Akademia Amerikane e Pediatrisë janë kundër gjumit të përbashkët për shkak të rreziqeve që mund t'i sjellë fëmijës.
Pyetja këtu nuk është kundër ndarjes së shtratit në një rast të caktuar - por kur bëhet e panatyrshme, e gabuar ose thjesht e çuditshme. A ka një moshë ku një fëmijë nuk duhet të flejë me mamin apo babin? A ka rëndësi gjinia e fëmijës? Pavarësisht se si fillon, dhe si ndiheni për të, ju e dini që në një moment duhet të përfundojë, apo jo? Por kur? Kur janë fëmijët thjesht shumë të “rritur” për të fjetur me mamin dhe babin?
Shumë mjekë bien dakord se “mosha ideale për të fjetur pa prindërit, është që në lindje”.
Në një artikull të vitit 2007 në NY Times, thuhet se një fëmijë që fle me prindërit zakonisht nuk ka një “pavarësi të shëndetshme” me të paktën njërin prej prindërve.
Për më tepër, një fëmijë në krevat, mund të bëhet pengesë edhe në aspektin intim të çiftit.
