Getty Images

Nëse u çuditët me historinë e Simone, i cili pretendonte se ishte djali sekret i mbretit Charles III dhe Camilla-s, prit sa të lexosh për Sarah, një vajzë e cila thotë se është fëmija i princeshës Diana dhe Charles.

Sipas "Globe", thuhet se Sarah ka lindur në viti 1981, përpara princit Willaim dhe sipas thashethemeve, Kate Middleton është takuar me të, kur ajo dhe William kanë vizituar ShBA.

Burimet thonë se ekzistenca e saj u zbulua nga familja mbretërore dhe që prej asokohe, të gjithë duan që ta fshehin si histori. Thuhet se Sarah ka lindur kur Diana ishte vetëm 19 vjeç dhe ende e pamartuar me Charles. Mbretëresha Elizabeth II dhe pjesëtarë të tjerë të familjes mbretërore, donin të dinin nëse Diana ishte e aftë të bënte fëmiljë dhe t’i sillte pasardhës mbretërisë.

Pra, dyshohet se vendosën të përdornin fertilizimin in-vitro për të parë nëse vezët e saj ishin pjellore, por një prej mjekëve që mori pjesë në këtë mision sekret, vodhi vezët e Diana-s dhe spermën e Charles.

Më pas, mjeku përdori një grua surrogate për të sjellë në jetë Sarah. Dyshohet se kur Diana vdiq në vitin 1997, në një aksident automobilistik, Sarah u frikësua për jetën e saj dhe u zhvendos në Shtetet e Bashkuara të Amerikës dhe që asokohe, ka jetuar atje.

Historia e saj nuk është krejtësisht e panjohur, pasi media të ndryshme e publikuan versionin e saj, ku Sarah shprehej se “Charles e donte të vdekur”. Por, intervistat u fshinë menjëherë pas publikimit.

Rishtazi, është rikthyer në vëmendjen e publikut përmes revistës “Globe”, ku u përdor një imazh i një gruaje të re që ka shumë ngjashmëri me princeshë Diana-n, megjithëse fotoja duket e modifikuar.

Artikuj të sugjeruar: