Pavarësisht përmirësimit të tyre, ndodh që testet e shtatzënisë të mos japin gjithmonë përgjigjen reale. Prandaj ka rëndësi të dini se ekzistojnë shenja që mund t’ju bëjnë të kuptoni se jeni shtatzënë.
Periodat: Edhe nëse testi rezulton jo pozitiv, vonesa e ciklit është një shenjë që tregon se mund të jesh në hapat e parë të shtatzënisë. Por kini parasysh se rreth 25% deri në 40% e grave shtatzëna do të kenë gjakderdhje të lehta ose do të vërejnë njolla në fillim të shtatzënisë. Gjakderdhja e lehtë mund të ndodhë kur veza e fekonduar ngjitet në mukozën e mitrës. Gjakderdhja gjithashtu mund të shkaktohet nga acarimi i qafës së mitrës, probleme me shtatzëninë ose rrezik i abortit.
Dhimbje muskujsh: Gjatë 3-mujorit të parë, gratë zakonisht kanë dhimbje muskujsh tek këmbët sepse trupi po pëson një ndryshim dhe muskujt bëhen më të dobët.
Gjinjtë e ndjeshëm: Një tjetër simptomë që gratë vënë re është se ndjeshmëria e gjoksit rritet. Gjinjtë rriten, thithat errësohen dhe herë pas herë dhembin.
Lodhje: Nëse jeni shtatzënë, hormonet kanë nisur të bëjnë punën e tyre dhe ju ndiheni të lodhura.
Sistemi tretës: Ndjesia e sikletit në stomak gjatë mëngjeseve të muajve të parë është një shenjë tjetër. Mund të ndiheni të fryrë, sikur keni gazra ose keni kapsllëk.
Neps: Grave u ndryshojnë preferencat gjatë shtatzënisë. Mos u habisni nëse papritur nuk doni ta shihni më me sy ushqimin tuaj të preferuar apo të keni neps për diçka që më parë nuk e konsumonit fare.
Luhatje humori dhe emocionale: Trupi i një gruaje në hapat e parë të shtatzënisë ndryshon shumë. Kjo ndikon padyshim edhe në luhatjet e humorit. Dëshira seksuale është e madhe, pastaj zhduket, pastaj rindizet sërish.
Urinimi: Gratë në fillim të shtatzënisë mund të urinojnë më shumë se çdo njeri tjetër.
Sekrecionet: Shumica e grave kanë sekrecione të bardha ose të verdha në tremujorin e parë dhe gjatë gjithë shtatzënisë. Rritja e hormoneve dhe qarkullimi i gjakut shkaktojnë sekrecionet.
Temperatura e trupit: Kur zgjoheni për herë të parë në mëngjes pas ovulacionit, temperatura e trupit është më e lartë. Qëndron kështu derisa t’ju vijnë periodat. Por nëse kjo temperaturë, e njohur si temperatura bazale e trupit, qëndron kështu për më shumë se dy javë, mund të jeni shtatzënë.
Dhimbje koke dhe doni të urinoni gjatë gjithë kohës: Ndryshimet hormonale dhe vëllimi i gjakut gjatë shtatzënisë mund të shkaktojnë probleme si dhimbje koke ose urinim të shpeshtë.
Ndjesi sikur dhoma rrotullohet: Shtatzënia bën që presioni i gjakut të ulet dhe enët e gjakut të zgjerohen.
Grip ose ftohje: Shtatzënia ul imunitetin që do të thotë që jeni më të prirur ndaj kollës, ftohjes dhe gripit.
Shije si metal: Rritja e estrogjenit dhe progesteronit gjatë shtatzënisë mund të çojë në ndryshime të shijes për shumë gra shtatzëna. Një gjendje e njohur si dysegusia bën që disa gra të ndiejnë shije metali kur konsumojnë ushqim.
Burimet: The Independent, Women’s Health
