TWITTER

Ditët e fundit nuk kanë qenë aspak të mira për markën Balenciaga, pas fushatës “Gift Collection”, për të cilën u akuazua për seksualizim, fetishizëm dhe pornografi të fëmijëve.

Në mes shumë artistësh që e anuluan, duket se Balenciaga ka një mbështetës dhe sigurisht që është ai që mendoni: Kanye West!

TWITTER

Kanye njoftoi se e mbështet markën e famshme: “Qëndroj krah Balenciaga dhe denoncoj të gjithë “gjuetinë e shtrigave”. Anuloj “kulturën e anulimit” (cancel culture). Jezusi është mbret. Fundi i trafikimit nuk nis me përfundimin e një fushate mode, për hir të Krishtit”, u shpreh Kanye në llogarinë e tij në Twitter, e cila më pas dhe u bllokua.

Në një tjetër postim, në të cilin publikoi një foto të vetën (mëse e pritshme), Kanye u shpreh: “Kurrë nuk duhet t’ia kthejmë shpinën Demna dhe familjes Balenciga. Anuloni kulturën e anulimit. Jezus, të lutem na shëro”.

TWITTER

Reperi ka ndarë edhe disa imazhe mesazhesh të një komunikimi me Demna, i cili i kërkonte që t’u thoshte fansave ta ndalnin urrejtjen ndaj tij. Kanye iu përgjigj: “Dashuria shëron gjithçka, të dua Denma”.

TWITTER

West, 45 vjeç, tha gjithashtu se “Zoti e do Balenciaga. Dashuria është përgjigjja. Jezusi është përgjigjja. Lutem për ata artistë të pafajshëm dhe njerëz të bukur që bëjnë veshje dhe nuk kanë lidhje me reklamat”.

Reperi ndau gjithashtu edhe qasjen e tij ndaj pornografisë. “Hiqni çdo formë pornografie nga çdo platformë. Pornografia është produkt i pedofilisë”.

Më parë, Kanye ka folur hapur për varësinë ndaj pornografisë, duke thënë se pornografia i shkatërroi familjen.

Llogaria e Kanye në Twitter u bllokua, por West nuk hezitoi të çelte një tjetër në rrjetin social “Truth”, të prezantuar nga ish-presidenti Donald Trump.

Filozofia e Truth është se nuk ka asnjë censurë dhe se gjithkush mund të shprehë lirshëm mendimin e vet.

Artikuj të sugjeruar: