Google

Disa ditë pasi Cristiano Ronaldo nënshkroi kontratën me skuadrën Al-Nassr dhe u zhvendos në Arabinë Saudite, në internet po qarkullon një dokument ku shkruhet në gjuhën arabe se Georgina “i përket Cristiano-s” dhe cilësohet si “skllavja” e tij.

Ky “thashethem” nisi në Twitter dhe shumë shpejt u përhap në TikTok. Një tiktoker-e e shpjegoi dokumentin viral dhe tha se: “Një grua në Arabinë Saudite nuk mund të ketë asnjë lloj lirie dhe autonomie, kështu që (Georgina-s) i është dhënë titulli si “pronë” e Cristiano Ronaldo”.

Më pas, ajo shtoi se në detajet e kartës së identitetit të Georgina-s, tregohet roli që ajo luan në jetën e Cristiano-s dhe cilësohet si “skllave”.

Por, në fakt, dokumenti është fals dhe Georgina cilësohet si “krahu i djathtë” i futbollistit dhe si e tillë është regjistruar, pasi çifti nuk është i martuar dhe kanë hasur vështirësi për të marrë lejen për të vijuar bashkëjetesën.

Autoritetet e Arabisë Saudite nuk e komentuan dokumentin, por ekspertë të ligjit dhe llogari të ndryshme të njerëzve që jetojnë në Arabinë Saudite thanë se dokumenti është i rremë.

Në dokumentin e publikuar, njerëzit vunë re se ishte shkruar numri “209”, i cili përdorej në kartën e vjetër të identitetit.

“Të gjithë e dinë se nuk ka skllevër në Arabinë Saudite dhe numri i RI nis me 209, i përdorur në ID e vjetër. Pra, është e rreme”, komentoi dikush.

Një tjetër reagim vë në dukje se fotoja e edituar është në fakt një tallje ndaj fesë dhe kulturës arabe dhe shtimi i kësaj fjale ka ngjallur një komedi të zezë tek emigrantët dhe njerëzit. 

Arabia Saudite është një vend që praktikon fenë islame dhe si i tillë ka rregullat e veta, por sigurisht, mbetet ende një kulturë e keqkuptuar nga një pjesë e madhe e botës.

Artikuj të sugjeruar: