Sipas një videoje të TikTok, Kendall Jenner dhe Gigi Hadid njihen si "motrat e KFC" për shumë përdorues të rrjeteve sociale në Kinë.
Në një video virale, një përdoruese e TikTok, e cila ndan pikëpamjet e përdoruesve kinezë të rrjetit, shpjegon se pse u krijua termi.
Duke qenë se Kendall dhe Gigi vijnë nga familje të famshme, kanë ndjekës të shumtë në rrjetet sociale, janë të dyja imazhet e shumë produkteve dhe kanë ecje “të tmerrshme” pasarelash, në Kinë quhen “motrat KFC”.
Madje, TikToker-ja pretendon se përdoruesit kinezë të rrjeteve sociale mendojnë se modelet "ecin si teze që po blejnë ushqime në market".
Ajo gjithashtu thotë se motra e Gigi-t, Bella Hadid, dikur ishte pjesë e “KFC Sisters”, por tani kinezët kanë filluar ta preferojnë për shkak të stilit të veshjes.
Me sa duket, edhe ecja e përmirësuar e Bella-s në pistë – i paska dhënë asaj një tjetër “status” në sytë e të rinjve kinezë.
Duket se pseudonimi “motrat KFC” (KFC Sisters) – në fakt është i vërtetë dhe qenka përdorur në disa artikuj kinezë në internet.
Tani, jemi shumë kuriozë të shikonim si ecin këta që përmendin epitete të tilla. Po tezet e tyre?!
