Tiffany & Co. zbuloi se ylli i K-pop, Jimin, do të jetë ambasadori i ri i markës.
Këngëtari i BTS, emri i plotë i të cilit është Park Ji-min, do të shfaqet në fushatën e tij të parë për markën këtë pranverë, tha argjendaria. Njoftimi u shoqërua me një foto të një Jimin pa këmishë i veshur me një kostum të zi dhe një koleksion të byzylykëve "Lock" të Tiffany & Co.
Ai bëhet ylli i dytë i K-pop-it që lidh një marrëveshje me Tiffany & Co. në vitet e fundit. Rosé e grupit Blackpink u bë ambasadore e markës në vitin 2021.
Markat luksoze po kërkojnë gjithnjë e më shumë të shfrytëzojnë fuqinë e K-pop-it. Muajin e kaluar, ylli i Blackpink, Jisoo, u prezantua si imazhi i Cartier.
Jimin do të lançojë një album të ri solo, "Face", këtë muaj. BTS ka qenë në pauzë që nga viti i kaluar pasi anëtarët e grupit po kryejnë ose po përgatiten për të kryer shërbimin e detyrueshëm ushtarak.
