Shutterstock

E dimë që je totalisht i/e përkushtuar në dramën e Selena-s dhe Hailey-t, ndaj po të ushqejmë kuriozitetin dhe po të themi se tanimë në dramë, është përfshirë edhe Justin Bieber, ish-i dashuri i Sel dhe bashkëshorti i Hailey-t.
 
Justin festoi ditëlindjen e 29-të, por një detaj i vogël nga festa u bë viral, pasi njerëzit mendojnë se i dedikohet pikërisht Selena-s. Çdo personi që shkoi në festë, iu dhurua ky suvenir, në të cilin shkruhej: “Jam shumë mirënjohës që nuk përfundova me atë që mendova se doja”.

Sigurisht, njerëzit e lidhën këtë shprehje me historinë e tij me Selena-n dhe nëse është ky reagimi i Justin, mund të themi që është një detaj i mirëmenduar.
 
Drama mes Selena-s, Hailey (dhe Kylie Jenner) prej ditësh mban pezull internetin (lexo këtu për të mësuar më shumë). Selena reagoi në një koment (mesazh) drejtuar fansave të saj, të cilët po sulmojnë Hailey-n dhe Kylie-n, duke thënë: “Faleminderit shumë për dashurinë tuaj. Jam shumë mirënjohëse për secilin prej jush. Më bëni jashtëzakonisht të lumtur. Ju lutem, ju lutem të jeni të sjellshëm dhe të konsideroni shëndetin mendor të të tjerëve. Zemra ime ka qenë e rënduar dhe dua më të mirën për këdo. Me shumë dashuri”.

Ne menduam se kështu përfundoi drama, por ja, s’të lë Justin.

Artikuj të sugjeruar: