HansIndia

Elon Musk ka kërcënuar se do të ngrejë një padi kundrejt gjigantit Microsoft, pasi e akuzoi për përdorimin pa leje të të dhënave në Twitter.

“Ata u trajnjuan në mënyrë të paligjshme duke përdorur të dhënat e Twitter-it. Koha për padi”, tha Elon në një postim në Twitter, referuar aplikacionit të Microsoft, që trajnon programet e inteligjencës artificiale. Gjithashtu, Musk tha se do ta heqë Twitter nga platforma e reklamave të korporatave.

Më parë, vetë Microsoft njoftoi se platforma e tyre e reklamave nuk do ta mbështesë Twitter dhe se blerësit e reklamave nuk do të kenë më akses në llogaritë e tyre në Twitter, ndërsa bëri me dije se platformat e tjera (Facebook, Instagram dhe LinkedIn mbeten të pandryshuara).

Që pasi mori nën kontroll Twitter, Elon Musk ka nisur një “betejë” me gjigantët e teknologjisë. Disa muaj më parë, ai akuzoi edhe Apple me pretendimin se Apple kishte thënë se do të hiqte Twitter nga App Store dhe se nuk lejonte reklamat në platformë, por s’kishte dhënë një arsye për këto “sanksione”.

Musk akuzoi Apple se urrente fjalën e lirë, por qartazi, e ka harruar konfliktin e vjetër për të nisur një të ri.

Artikuj të sugjeruar: