Të gjithë sytë u drejtuan te Dua Lipa teksa ajo mbërriti në tapetin e kuq të Met Gala. Si një nga bashkëprezantueset e mbrëmjes së modës – që nderoi dizajnerin Karl Lagerfeld – Dua u shfaq me një pamje magjepsëse.

Ajo veshi një fustan balloje në ngjyrë të bardhë nga Chanel, të njëjtin dizajn që Claudia Schiffer veshi për koleksionin Vjeshtë 1992. Zgjedhja e aksesorëve – veçanërisht gjerdani me diamant - ka një histori interesante.

Dua është personi i parë që mban diamantin e ri Legendary të Tiffany & Co., i cili është vendosur në varësen Lucida Star të markës.

Diamanti i bardhë Legendary është mbi 100 karat dhe është një formë homazhi për diamanti ikonik të verdhë Tiffany. Diamanti origjinal Tiffany i verdhë 128,54 karatësh u gjet në vitin 1977 në minierat e diamanteve Kimberley të Afrikës së Jugut dhe që atëherë është bërë një nga elementët më të famshëm të Tiffany.

Vetëm katër gra kanë mbajtur diamantin origjinal Tiffany: Mary Whitehouse, Audrey Hepburn, Lady Gaga dhe Beyonce.