Alex Martinez/NBCUniversal

Elon Musk tha se do të heqë dorë nga udhëheqja e Twitter dhe se në krye të tij do të vendoset Linda Yaccarino, ish-drejtoresha e reklamave në NBCUniversal.
 
“Pres që të punoj me Linda-n, për të transformuar platformën në X, aplikacionin (që do të ketë) gjithçka”, shkroi ai në Twitter.
 
Musk, e bleu Twitter vitin e kaluar për 44 miliardë dollarë dhe më parë e ka përmendur faktin se do ta linte pozicionin si CEO kur të gjente një tjetër person që do të merrte vendin e tij.
 
Linda Yaccarino pritet që të sjellë në Twitter një frymë të re, duke marrë parasysh edhe përvojën e saj 12-vjeçare.