Me fillimin e muajit qershor, do të kesh në mendje vetëm paratë dhe do të jesh shumë i/e shqetësuar për shpenzimet që sjell ky muaj. Megjithatë, yjet thonë se nuk ka nevojë për panik, pasi do t’ia dalësh t’i menaxhosh më së miri të ardhurat.
 
Me ndihmën e Jupiterit mund të negociosh për një rritje page, apo për një klient potencial, i cili do të vlerësojë kreativitetin tënd. Për pjesën e pagës, mund të hasësh njëfarë vështirësie, pasi Plutoni është paksa tekanjoz, por sërish, do të dalësh me fitim. Por, nuk përjashtohet edhe një mundësi e re punësimi që duhet ta kesh në radar.
 
Këtë muaj duhet të qëndrosh pozitiv, pasi shumë sfera të jetës tënde do të ndriçohen. Do të kesh Jupiterin dhe Afërditën në anën tënde, çka do të thotë se mundësi të reja, luks dhe dashuri duken në horizont. Mbi të gjitha, edhe Urani, planeti i surprizave do të mbushë shtëpinë tënde të financave.
 
Nga mesi i muajit do të ndodhë diçka mahnitëse për shenjën tënde. Marsi do të jetë brenda rrezes së Afërditës dhe bashkëveprimi i këtyre dy planeteve që gjithnjë duan të jenë bashkë, do të thotë më shumë përftime për ty. Deri më 27 qershor prit disa zhvillime shumë interesante.
 
Por, Afërdita është mjaft aktive këtë muaj, pasi do të hyjë në një prapavijë dhe të duhet të bësh një planifikim të saktë. Kjo periudhë nuk është koha ideale që të bësh ndryshime rrënjësore në pamjen tënde, pra, nëse po mendon të bësh botoks, apo të ndryshosh modelin e flokëve, nuk ta sugjerojmë.
 
Disa fitime të tjera mund të vijnë nga fusha dhe profesione që lidhen me: marrëdhëniet ndërkombëtare, njerëz që jetojnë jashtë shtetit, çështje të emigracionit, media, transmetime digjitale, si dhe me një ofertë për një punë me kohë të pjesshme në pjesën e komunikimit. Gjithashtu, nëse po punon për temën e diplomës, apo për të tjera projekte që lidhen me edukimin, do të vëresh një përparim mbresëlënës.
 
Si rezultat i Hënës së re te Binjakët, e cila do të ndodhë më 17 qershor, do të keni më shumë mundësi udhëtimi, i cili mund të jetë pranë shtëpisë, por sërish, do të jetë argëtues.
 
Ndërkohë, për dashurinë, periudha më e mirë do të jetë pas 17 qershorit, mundësisht të shtunën, kur Afërdita dhe Marsi afrohen. Kërkoji dikujt që të të prezantojë me dikë që ke qejf, pasi shumë surpriza dhe të papritura të këndshme do të vijnë për ty.
 
Është një muaj i mbarë, ndaj shijoje!

Jeta s’ka qenë shumë e thjeshtë për ty, i dashur Dem, për shkak të eklipseve në seri, të cilat kanë një forcë dhe ndikim shumë të madh. Gjithsesi, eklipset kanë mbaruar dhe ti je gati të nisësh një fazë të re.
 
Ky muaj do të përqendrohet shumë te paratë dhe hëna e 3 qershorit, do të bjerë në Shigjatar, për të plotësuar një çështje financiare, që mund të lidhet me një bonus, honorar, pagesë, apo edhe me situata divorci. Planetet që do ta rrethojnë këtë hënë nuk do të shkojnë dhe aq mirë me njëri-tjetrin.
 
Shumë prej tyre do të mblidhen në shenjën tënde dhe ky pozicionim, ndonëse është i veçantë, sërish ushtron presion mbi partneritetet e tua, qofshin ato në biznes apo në dashuri.
 
Por, me gjithë “këmbënguljen” e këtyre planeteve, qershori mbetet një muaj i mirë pasi Jupiteri, planeti i dhuratave dhe fatit do të të ndihmojë që të marrësh vendimet e duhura, të cilat do të ndikojnë në realizimin e një ëndrre të bukur, që mund të lidhet me blerjen e një shtëpie të re, apo të diçkaje të shumëpritur. Ti do ta bësh jetën sa më të lehtë dhe ta mbushësh me gjallëri, ndaj edhe Jupiteri do të të japë një dorë të mirë motivimi. Afër datës 19 qershor, do të marrësh një vendim të rëndësishëm për një angazhim afatgjatë.
 
Le të flasim pak edhe për menaxhimin e parave: Këtë muaj do të kesh një shans të ri për të siguruar më shumë burime të ardhurash. Hëna e re tregon një fillim të ri, ndaj ke mundësinë të negociosh për një rritje page, ose për të marrë mbrapsht një borxh (ndoshta të harruar). Gjithashtu, mund të kesh edhe një periudhë ku nuk dëshiron të dalësh dhe të shpenzosh para, si dhe do t’ia dalësh të kujdesesh më tepër për veten dhe për mënyrën e të ushqyerit.
 
Planeti më problematik gjatë këtij muaji do të jetë Neptuni, i cili e ka si zakon që të krijojë konfuzion dhe mjegull në këndvështrimet e tua. Nëse do të mendosh se diçka duket shumë e mirë për të qenë e vërtetë, ekziston një shans i madh që të jetë një kurth.
 
Gjithsesi, nuk mund të mos përfitosh nga kombinimi fantastik i Afërditës me Marsin, të cilët do të ndriçojnë fushën e shtëpisë, duke sjellë rinovim, arredim, apo edhe mundësi të reja për pushimet.
 
Nëse po mendon të mbështesësh financiarisht një familjar, mund ta bësh, pasi do të gjesh zgjidhje të përshtatshme. Qershori do ta ngrohë shumë zonën e familjes, ndaj mund të bësh një festë të bukur dhe familjare, apo të përgatisësh një mbrëmje speciale për partnerin. Këtë muaj, shtëpia është vendi ku do të lulëzojë dashuria.
 
Shpejt, Afërdita do të shkojë në prapavijë (më 22 korrik) dhe ndoshta ti po mendon se jemi ende në qershor. Po ta përmendim sepse duhet të planifikosh gjërat, që kjo prapavijë të mos ndikojë shumë në shenjën tënde. Ndërsa kur prapavija të mbërrijë, mos planifiko ndryshime në pamje, bëji ato më parë, për shembull gjatë këtoj muaji.
 
Me zhvendosjen e Jupiterit në Dem je në një periudhë të rrallë në jetën tënde, pasi do të gjendesh shpesh në kohën dhe në momentin e duhur. Shfrytëzoje këtë, sidomos në aspektin e dashurisë. Të reja emocionuese të presin, mjafton që ti të jesh gati.
 

Copyright Anabel.al / Ndalohet ribotimi pa lejen e redaksisë.