Jessie J ka zbuluar emrin e foshnjës së saj të porsalindur, të cilin e solli në jetë muajin e kaluar.

“Djemtë si...Sky Safir Cornish Colman,” shkroi ajo.

Disa ditë më parë, Jessie zbuloi edhe identitentin e partnerit, Chanan Safir Colman.

Këngëtarja më parë e mbante të fshehtë identitetin e babait të foshnjës së saj, por së fundmi zbuloi se partneri është basketbollisti danezo-izraelit.

Jessie J tha se ajo u takua me Colman gjatë një kohe të vështirë pas abortit të vitit 2021 dhe e përshkroi atë si një "rreze drite".

“Ai ndriçoi ditët e mia të errëta. Ishte një dashuri e stuhishme dhe një mrekulli që mbeta shtatzënë natyrshëm pa asnjë problem,” është shprehur ajo.