Protestat e dhunshme kanë shpërthyer në të gjithë Francën pasi policia qëlloi për vdekje një 17-vjeçar me origjinë algjeriane dhe marokene.
Djali, i identifikuar vetëm si Nahel, u qëllua për vdekje pasi u ndalua teksa ngiste makinën të martën, më 27 qershor, në periferi të Parisit, Nanterre. Pamjet e incidentit të filmuara nga një kalimtar i rastit treguan dy oficerë që qëndronin në anën e shoferit, njëri prej të cilëve qëlloi me armë drejt Nahel-it, pavarësisht se nuk dukej se ishte në ndonjë rrezik të menjëhershëm.
Foto: Antoine Gyori/Corbis/Getty Images
Oficeri tha se ai qëlloi me armë nga frika se djali do të përplaste dikë me makinë, sipas prokurorit të Nanterre, Pascal Prache.
Pavarësisht thirrjeve nga zyrtarët e lartë për t'i lënë kohë sistemit të drejtësisë të merret me çështjen, një numër i konsiderueshëm njerëzish në të gjithë Francën mbeten të tronditur dhe të zemëruar, veçanërisht të rinjtë me ngjyrë që kanë qenë viktima të diskriminimit nga policia.
Presidenti Emmanuel Macron do të takohet me krerët e të dy dhomave të parlamentit. Macron do të takohet gjithashtu të martën me kryetarët e 220 qyteteve. Me mijëra njerëz janë arrestuar.
Ja disa foto që përcjellin më mirë situatën kaotike:
