Dikur i kontrollonim çdo ditë, tani është çdo minutë. Si u bëmë vallë kaq të varur nga aplikacionet e motit? Po ju sa herë kontrolloni smartfonin tuaj për të parë parashikimin e kohës?

Teksa moti i paprecedentë çon në rritjen e ankthit klimatik, ka një sërë aplikacionesh të ndryshme që kujdesen për çdo lloj parashikimi. Fiksimi me aplikacionet e motit është i zakonshëm në atmosferën tonë aktuale të paqëndrueshme.

50% e përdoruesve të smartfonëve amerikanë përdorin rregullisht aplikacionet e motit. Sipas Statista, aplikacionet e motit do të kenë rreth 1.5 miliardë dollarë të ardhura në vitin 2023, një rritje nga 530 milionë dollarë në krahasim me pesë vite më parë.

Jeremiah Lasquety-Reyes, një analist i vjetër për Statista, thotë se ky ekosistem i ri i aplikacionit të motit vetëm sa do të rritet, për shkak të krizës klimatike, si dhe një prirje të përgjithshme drejt "dixhitalizimit të jetës dhe orarit të gjithëkujt".

"Moti është kaq i çmendur tani," thotë për Guardian Jennifer Simms.

Prandaj nuk është çudi që ta gjeni veten duke kontrolluar sa është temperatura në Dhërmi; a do ketë shi në fundjavë në Tiranë; sa do shkojë temperatura në Kuçovë etj. Moti i këtii viti na ka befasuar mjaftueshëm.