Irina Shayk po shijon fundin e verës me ish-in e saj, Bradley Cooper, ndërkohë që qarkullojnë zëra se është në një romancë të re me Tom Brady.
Modelja ruse publikoi disa foto në Instagram, ku shfaqej topless mbi një shkëmb e më vonë, edhe një selfie të ish-partnerit.
Shayk, 37 vjeç dhe Cooper, 48 vjeç, i dhanë fund marrëdhënies në vitin 2019, pas një lidhjeje 4-vjeçare. Ata janë prindër të Lea De Seine, 6 vjeç.
Statusi i marrëdhënies së tyre është i paqartë dhe përflitet se Irina është në një marrëdhënie me Tom Brady, pasi janë fotografuar disa herë. Megjithatë, burimet theksojnë se Irina dhe Tom thjesht argëtohen me njëri-tjetrin dhe lidhja nuk është dhe aq serioze.
Zërat për një lidhje mes tyre nisën para 1 muaji, kur ata u fotografuan duke flirtuar me njëri-tjetrin. Sipas një dëshmitari, Tom e mori Shayk nga hoteli ku po qëndronte në fundjavë dhe së bashku shkuan në shtëpinë e tij në Los Angeles.
Dyshja doli rreth orës 9:30 të mëngjesit dhe u panë edhe më të afërt në makinë. Më pas, Tom e mori sërish pasditen e së shtunës me makinën e tij Rolls-Royce Irina-n dhe kaluan një tjetër ditë bashkë.
Brady ka qenë i martuar për 13 vite me Gisele, një tjetër supermodele dhe ata i dhanë fund raportit në tetor të vitit të kaluar dhe njoftuan publikun përmes një deklarate të përbashkët në rrjetet sociale, ku theksuan se prioritet, në këtë periudhë, do të kenë si përherë 2 fëmijët e tyre dhe se do të përqendrohen në mirëqenien e tyre.
Artikuj të sugjeruar:
- Gisele Bündchen s’e vret shumë mendjen për marrëdhënien e Tom dhe Irina
- “Ndarjet nuk janë të lehta”, Gisele Bündchen flet për divorcin nga Tom Brady
- Po Bradley Cooper ç’mendon për marrëdhënien e ish-it, Irina Shayk dhe Tom Brady?
- Ç’mendon Gisele Bündchen për romancën e ish-burrit me kolegen, Irina Shayk?
- Mos sapo zbuluam të dashurin e ri të Irina Shayk?
