Joe Jonas dhe Sophie Turner janë gati të hedhin pas krahëve “betejën” për kujdestarinë dhe të përqendrohen te rritja e vajzave të tyre të vogla.

Ish-çifti lëshoi një deklaratë të përbashkët për dinamikën e bashkëprindërimit vetëm disa orë pasi arritën një marrëveshje të përkohshme për kujdestarinë për vajzën 3-vjeçare Willa dhe Delphine, 1 vjeçe.

“Pas një ndërmjetësimi produktiv dhe të suksesshëm, ne kemi rënë dakord që fëmijët do të kalojnë kohë në mënyrë të barabartë në shtëpitë e tyre, si në SHBA ashtu edhe në Mbretërinë e Bashkuar,” tha dyshja në një deklaratë për Page Six.

"Ne mezi presim të bashkëprindërojmë në mënyrë të shkëlqyer.”

Joe Jonas bëri kërkesë për divorc nga Sophie Turner muajin e kaluar pas katër vitesh martesë.