Kanye West thotë se tanimë, ka një diagnozë të re, në mesazhet që i dërgon Elon Musk. Themeluesi i Yeezy, publikoi ca screenshot-e në Instagram, ku thoshte se nuk është më bipolar, por pas aksidentit me makinë, të ndodhur në vitin 2002, ka shfaqur shenja autizmi.
“Kur do flasim? Ti s’më detyrohesh për asgjë”, tha Kanye, duke shtuar: “Natyra e marrëdhënies duhet të ndryshojë. Nuk jam bipolar. Kam shenja të autizmit nga aksidenti me makinë”, referuar edhe aksidentit të rëndë, që e frymëzoi reperin për të krijuar këngën “Through the Wire”.
Kanye, 46 vjeç, tregoi se është diagnostikuar me bipolaritet në vitin 2018, por më vonë, ai tha se kishin gabuar me diagnozën.
Në mesazhet drejtuar CEO-s së Tesla-s, Kanye përmend dhe ish-bashkëshorten, Kim Kardashian, duke aluduar se Kim s’e lejon të shohë fëmijët.
Edhe pse Kanye thotë diçka të tillë, sërish ai është fotografuar me djalin e tij, Saint në një ndeshje futbolli në Itali.
Ai dhe Kim kanë qenë të martuar për 8 vite (2014-2022) dhe kanë bashkë 4 fëmijë: North, Chicago, Saint dhe Psalm. Kanye sot është i martuar me Bianca Censori.
