WireImage

Britney Spears po tregon gjithë detajet nga jeta e saj në librin autobiografik “The Woman in Me”. Ndër të tjera, ajo tregoi se kur u martua me mikun e fëmijërisë, Jason Alexander në vitin 2004, ishte shumë e dehur.

Splashnews

“As nuk e mbaj mend fare atë natë, por nga situatat që mund të lidh bashkë, ndenjëm në dhomën e hotelit dhe ndenjëm deri vonë duke parë filma…pastaj, patëm idenë brilante që të shkonim në “A Little White Chapel”* në 3:30 të mëngjesit”.

"A Little White Chapel”* - Një hapësirë e njohur për çiftet, të cilët janë martuar në Las Vegas, e cila funksionon që prej vitit 1951 dhe ofron ceremoni që i përshtaten buxheteve të ndryshme.

Britney tha dhe se ajo dhe Alexander u martuan sepse “ishin trashur”, jo sepse ishin të dashuruar.

“Njerëzit më pyesnin nëse e doja. Të jem e sinqertë: Ai dhe unë s’ishim të dashuruar. Sinqerisht, isha shumë e dehur dhe ndoshta, në atë pikë të jetës, isha “trashur” (në sensing që s’kishte ç’të bënte, për t’i dhënë pak jetës emocion).

Ajo u shpreh se s’e mori shumë seriozisht martesën në fillim, por familja e saj, po. Ata u kujdesën që ajo ta kuptonte se sa të zhgënjyer ishin për këtë vendim të sajin.

“Ata e bënë shumë të madhe, kur ishte një argëtim i pafajshëm. Të gjithë kanë një perspektivë ndryshe për këtë, por unë s’e mora shumë seriozisht. Unë mendova se një martesë në Vegas ishte diçka që njerëzit e bënin për qejf”.

WireImage

Më tej, vijoi: “Pastaj, familja ime erdhi dhe bënë sikur kishte nisur Lufta e Tretë Botërore. Qava për gjithë kohën që isha në Las Vegas.

Ajo gjithashtu shpjegoi se inati i familjes së saj në këtë situatë, e bëri të kuptojë se sa shumë donin ta kontrollonin. Brit shprehet se familjarët e kishin shumë të rëndësishme që ta mbanin nën kontroll.

Për t’u rikthyer te martesa në Las Vegas, ajo u anulua dhe Brit dhe Alexander morën drejtime të ndryshme, derisa ai u përpoq t’i prishte dasmën në vitin 2022, me ish-bashkëshortin Sam Asghari.

Alexander, në ditën e dasmës, transmetoi një video live nga llogaria e tij në Instagram. Duke ecur rreth asaj që dukej të ishte një shtëpi dhe kopshte kryesisht bosh, por të dekoruara, ai u tha ndjekësve vazhdimisht që Spears e kishte ftuar.

"Ajo është gruaja ime e parë, gruaja ime e vetme," tha Alexander, i cili ishte martuar për pak kohë me Spears – shoqen e tij të fëmijërisë - në 2004. Autoritetet menjëherë e ndaluan dhe e arrestuan në vendin ku do të mbahej ceremonia.

Artikuj të sugjeruar: