Emily Ratajkowski ia doli, sërish, të duket yll me një kombinim që është kaq i pranishëm në vjeshtë, por gjithsesi duket përherë bukur.

Modelja u fotografua në New York me look-un perfekt për sezonin. Ajo zgjodhi një fustan të shkurtër të leshtë, në ngjyrë të kuqe – një nga ngjyrat më IN të momentit.

Fustani ka dekolte në formë V-je dhe mëngë të gjata dhe të gjera. Modelja e kombinoi me një palë çizme me lëkurë gjarpri, të gjata deri të gjunjtë.

Me syzet e diellit dhe çantën në dorë, EmRata e kompletoi pamjen me një grim minimalist dhe buzëkuq nude me shkëlqim.