Nick Carter akuzohet se ka abuzuar me një grua dhe i ka transmetuar sëmundje seksualisht të transmetueshme. Madje, paditësja pretendon se raporti seksual me këngëtarin i shkaktoi kancer në qafën e mitrës.

Nga ana tjetër, Nick Carter ka mohuar kategorikisht akuzat përmes avokatëve të tij.

Padia dhe pretendmet e Laura Penley

Sipas padisë së siguruar nga People, Laura Penley pretendon se Carter e ka abuzuar seksualisht rreth vitit 2004, kur ajo ishte 19 vjeç. Siç e përshkruan ajo, ata kryen marrëdhënie seksuale midis dhjetorit 2004 dhe shkurtit 2005 dhe u takuan për disa javë në Los Angeles.

Penley thotë se marrëdhënia seksual mes tyre për të paktën tre herë ndodhi me dëshirën e të dyve, por situata mori një tjetër kthesë në apartamentin e Carter në Hollywood, ku këngëtari refuzoi të përdorte masa mbrojtëse. Ndonëse ajo pretendon se i kërkoi që të përdorte prezevativ, ai refuzoi, duke e siguruar se nuk kishte asnjë virus apo sëmundje seksualisht të transmetueshme.

Në padi raportohet gjithashtu se gjatë një takimi në fillim të vitit 2005, shkoi në shtëpinë e këngëtarit për të parë një film, por Carter dyshohet se i tha:

 "Arsyeja e vetme që je këtu është për të bërë seks."

Sipas padisë, sulmi seksual ka ndodhur në shtratin e tij, pavarësisht se ajo ka thënë "jo" disa herë.

Këngëtari dyshohet se nuk ka përdorur asnjë masë mbrojtëse gjatë akteve seksuale, duke i transmetuar asaj sëmundje të ndryshme seksuale, përfshirë virusin HPV, i cili shkakton probleme shëndetësore si kanceri i qafës së mitrës.

Në gusht 2005, Penley thuhet se u diagnostikua me kancer të qafës së mitrës në fazën 2 dhe u detyrua t'i nënshtrohej një sërë trajtimesh. Siç thekson padia, efektet e këtij abuzimi patën pasoja të rëndë fizike dhe emocionale për Penely: ngarkesë emocionale, dhimbje fizike, probleme mjekësore dhe trauma psikologjike.

Këngëtari mohon akuzat

Përfaqësuesit ligjorë të këngëtarit kanë mohuar akuzat e ngritura ndaj tij, duke thënë se paditësja dhe Nick Carter nuk janë takuar kurrë.

"Nick nuk i kujtohet të ketë takuar ndonjëherë Laura Penly. Ai nuk ka pasur kurrë ndonjë marrëdhënie romantike apo seksuale me të. Asnjëherë!," thanë avokatët.

Melissa Schuman, Ashley Repp dhe Shannon Ruth e kanë akuzuar gjithashtu këngëtarin për sulm seksuale, duke e bërë Penly-n gruan e katërt që e padit me të njëjtin pretendim. Carter ka mohuar të gjitha akuzat vazhdimisht.

Burimi: People

Artikuj të sugjeruar: