Dje, burime të ndryshme brenda Top Channel, thanë për Anabel se ndoshta Arbana nuk do të jetë moderatorja e “BBVA 3”. Sot, kurioziteti s’na la të qetë dhe bëmë një kontroll të shpejtë në llogaritë e Ledion Liços dhe Arbana Osmanit në Instagram dhe gjejeni se ç’vumë re! Ata nuk ndiqen në Instagram!
 
Kjo, është e çuditshme, sigurisht, por gjithsesi nuk është një shenjë që tregon se raportet mes tyre janë prishur, pasi marrëdhëniet njerëzore nuk bazohen në ndjekjen në Instagram.

 
Nga ana tjetër, Arbana dhe Sara, bashkëshortja e Ledionit, vijojnë të jenë follow në Instagram.

S’e dimë ç’po ndodh vërdallë, ama e ndiejmë tensionin në ajër.

Sa i përket lajmit se Arbana mund të mos e prezantojë edicionin e ardhshëm të "Big Brother VIP Albania": Burime të ndryshme brenda Top Channel thonë për Anabel se moderimi i BBVA mbetet i paqartë për shkak të një “ngërçi” mes administratorëve të televizionit dhe Arbanës, që mendohet se ka lidhje me negociatat mbi kompesimin financiar. Sipas burimeve, moderimi i BBVA-3 mbetet ende një çështje e pasigurt, por ekziston mundësia që të mos jetë Arbana Osmani moderatorja e sezonit të ardhshëm.

Cilët janë emrat e përfolur?

Ledion Liço, i cili ka prezantuar edhe "Big Brother 8" dhe Bora Zemani, e cila aktualisht moderon "DWTS".