I dashuri me energjinë dhe personalitetin e një “golden retriever-i” s’mund të jetë një term i panjohur për ty, domethënë, nëse ke TikTok dhe s’jeton me murgjit në Tibet.

Por, edhe nëse nuk e ke hasur, ja ku jemi ne, gati për të të ndriçuar. Së pari, të rikujtojmë se me çfarë lidhet “golden retriever”. Pikërisht me një qenush të ëmbël, lozonjar dhe bukurosh, i cili ka frymëzuar edhe termin e përdorur gjerësisht në TikTok.

 
Tani, vëmendje, mos u marros prej qenushit! I dashuri me personalitet “golden retriever” është fiks siç e mendon: besnik, romantik, i qeshur, s’merr gjëra për ters, i qëndrueshëm, detajist dhe të do pa kushte dhe me përkushtim. Madje, kërkon ndjesë edhe kur je ti gabim.
 
Fillimisht, termi u bë mjaft i njohur në X (ish-Twitter) në vitin 2021, por me filmin “Barbie” dhe lidhjen e Taylor Swift me Travis Kelce, është rikthyer fuqishëm në TikTok.

Mund të themi se i dashuri me energji “golden retriever” sjell harmoni, dashuri dhe është shumë mbështetës në një marrëdhënie.

Karakteristikat e tij janë:

Të mbush me dashuri dhe zakonisht e shpreh admirimin me prekje

Të bën shumë komplimente

Të thotë fjalët e duhura në momentin e duhur

Nuk i merr gjërat dhe aq seriozisht, si një golden retriever që vdes të luajë

E sheh gotën gjysmë plotë

Nuk bën drama të panevojshme

Përshtatet me njerëzit dhe s’merr vesh fare nga ironia

Të ndihmon të zgjidhësh problemet

Kalon kohë me ty

Buzëqesh shumë

Është shumë miqësor

Është empatik

Flamujt e kuq të të dashurit me personalitet “golden retriever”

Mund të mos ketë shumë pavarësi

Mund të mos i marrë seriozisht kufijtë që i vendos

Mund të ketë probleme me komunikimin, sepse i shmanget bisedave të vështira

Mund të mos i dalë për zot vetes se shmang konfliktet

Mund të bëhet pak i ngjitur

Artikuj të sugjeruar: