Vajrat esenciale janë konsideruar si ilaçi natyral për të gjithë ata që duan të ushqejnë dhe të rrisin flokët, e së fundmi po përdoret për vetullat dhe qerpikët. Por a funksionon vërtet vaji i rozmarinës për këto të fundit?

Vaji i rozmarinës, siç shpjegon Nkem Ugonabo, një dermatologe në New York, thotë se ky është një vaj esencial që del nga bima e rozmarinës dhe përdoret tradicionalisht për qëllime mjekësore dhe kulinare.

Vaji i rozmarinës është studiuar prej vitesh për të kuptuar më mirë efektivitetin e tij në rënien e flokëve dhe për të përcaktuar nëse mund të konsiderohet një trajtim legjitim për rënien e flokëve. Prandaj është e natyrshme që shumë njerëz të mendojnë se do të ishte po aq i dobishëm për vetullat dhe qerpikët.

Dermatologia Ugonabo thotë se nevojiten më shumë kërkime përpara se të pretendohet plotësisht se ky vaj është aleat edhe në rritjen e vetullave. Pavarësisht dëshmive që vijnë në TikTok që pretendojnë se vaji i rozmarinës ndihmoi në rritjen e qimeve të vetullave dhe qerpikëve, nevojiten më shumë prova shkencore për ta vërtetuar këtë.

Përfitime të tjera

Vaji i rozmarinës mund të jetë ende i dobishëm për kujdesin ndaj flokëve tuaj. Përveç rritjes së mundshme të flokëve, dermatologët thonë se vaji i rozmarinës mund të ndihmojë në forcimin e flokëve dhe reduktimin e dëmtimit të tyre. Specialistët shtojnë se vaji gjithashtu mendohet të ketë përfitime antioksidante dhe anti-inflamatore gjithashtu.

Efekte anësore

Ashtu si çdo vaj esencial, vaji i rozmarinës mund të ketë disa efekte anësore nëse nuk hollohet dhe përzihet me përbërës të tjerë. Mund të shkaktojë djegie, skuqje dhe shenja të tjera acarimi ose reaksioni alergjik.

Burimi: Vogue