Matthew Perry ndërroi jetë nga "efektet akute të ketaminës", sipas raportit të autopsisë.

Ylli i "Friends" u gjet "pa shenja jete në pishinën e rezidencës së tij" më 28 tetor dhe u shpall i vdekur në moshën 54-vjeçare. Ekspertët arritën në përfundimin se mënyra e vdekjes ishte aksidentale.

Perry, i njohur për rolin si Chandler Bing në “Friends”, thuhet se po merrte terapi me infuzion me ketaminë për depresionin dhe ankthin përpara vdekjes.

Ekzaminimi pas vdekjes arriti në përfundimin se Perry vdiq nga "efektet akute të ketaminës" ndërsa faktorët kontribues përfshinin "mbytje, sëmundje të arterieve koronare dhe efektet e buprenorfinës" - e cila përdoret për të trajtuar çrregullimin e përdorimit të opioideve.

Në librin e tij me kujtime “Friends, Lovers, and the Big Terrible Thing”, të botuar në vitin 2022, Perry shkroi se krijoi varësi nga alkooli që në adoleshencë si edhe varësi ndaj ilaçeve kundër dhimbjeve pas një aksidenti në vitin 1997.