Ndonjëherë, ne harrojmë se edhe pjesëtarët e familjes mbretërore dikur kanë qenë të rinj. Por, për këdo që ka nevojë për freskim kujtese, një video në TikTok e mbushur me foto të Kate Middleton duke jetuar periudhën më të mirë para-mbretërore në të 20-at e saj, është bërë virale dhe arsyet mund të merren me mend.

Në një llogari të fansave të familjes mbretërore në TikTok me emrin @jusst_tiktokss, në të cilën janë përmbedhur fotot e rralla të Kate, kanë “shpërthyer” në rrjet disa pamje, sidomos në ditëlindjen e 42-të të princeshës së Uellsit.

Në një foto, mbretëresha e ardhshme shfaqet duke bërë pazar, ndërsa ka veshur një palë çizme UGGS në ngjyrën kafe gështenjë, xhinse të zeza dhe një triko rozë. Ndërsa, një foto tjetër tregon Kate me një bluzë të gjelbër dhe pantallona të shkurtra në nuancë mustardë, teksa merr pjesë në një aktivitet që organizohet në disko, në shtator të vitit 2008. Video me fotot e rralla të Kate Middleton, përshkruhet me tekstin: Kate para familjes mbretërore.

Shumë admirues të familjes mbretërore nuk i kursyen komentet. Një prej tyre shkruan: "Ajo po shijonte vitet e saj të rinisë.” Një tjetër thotë se i pëlqen mënyra si ajo e ka jetuar dhe shijuar rininë me shoqërinë dhe me njeriun me të cilin do të krijonte më vonë familjen e bukur që ka sot.