Emily Blunt dhe Selena Gomez, këtë herë, nuk lejuan askënd t’u lexojë buzët! Pasi vajzat u bënë tematikë diskutimi online, për dramat në Golden Globes 2024, ato kanë vendosur të mbulojnë gojët e tyre, ndërsa takoheshin në ceremoninë e çmimeve AFI.
Dy mikeshat pozuan para kamerave me duart në gojët respektive. “Nuk duhet të flasim”, shkroi Sel pas eventit në foton e publikuar në Instastory.
Këngëtarja dhe aktorja, Selena Gomez, u përball me një furi komentesh dhe videosh në TikTok, për momentin viral kur i tha një thashethem mikeshës së saj, Taylor. Menjëherë njerëzit pretenduan se thashethemi lidhej me Timothée Chalamet dhe Kylie Jenner.
Sa i përket Blunt, e cila ka luajtur rolin e Katherine në filmin “Oppenheimer”, u aludua për një divorc të mundshëm mes saj dhe bashkëshortit, John Krasinski.
Njerëzit nuk e ndanë dot mendjen nëse John po filiste për divorcin apo motin dhe megjithëse alternativa e dytë bën pak më shumë sens, sërish u bë nami për të parën.
Artikuj të sugjeruar:
