Jeni duke biseduar në një grup miqsh në WhatsApp ose jeni takuar për një kafe të rastit dhe diskutimi përfundon me idenë e një udhëtimi për goca? Nuk është një ide e keqe, sigurisht! Zgjedhja e një destinacioni të pëlqyeshëm nga të gjitha vajzat, me sa më shumë kokteje në duar dhe netë të kaluara poshtë yjeve duke rrëfyer histori të lezetshme. Por, përveç idesë duhen disa përpjekje për ta realizuar atë.

Për ta bërë realitet një udhëtim gocash, nga një bisedë në grup në një aventurë të vërtetë, ju duhet të vendosni në krye të nismës një mikeshë që jo vetëm është e mirë në planifikimin e gjërave, por ka energjinë e duhur për ta realizuar atë. Jo të gjithë janë të “prerë” për të tilla angazhime.

Luani

Nëse vajzat janë në humor për një udhëtim emocionues, drejtohuni tek një Luan për ta finalizuar. Sapo kjo shenjë ndërton në kokë idenë, ata nuk do të lënë asgjë pa bërë deri sa ta përfundojnë. Të lindurit e kësaj shenje janë gjithashtu super argëtues, prandaj të gjithë duan që ata të jenë përgjegjës për planifikimin e këtij udhëtimi të dedikuar për goca. Luanët janë të mirë në përcaktimin e gjërave për të bërë, pavarësisht ku jetoni.

Virgjëresha

Nëse ka një Virgjëreshë në grupin tuaj të miqve, ai udhëtim i shumëpritur i vajzave do të realizohet 100%. Janë ato që mund të nxjerrin detajet. Ato kanë një aftësi për të gjetur fluturimet më të lira dhe ofertat më të mira të hoteleve. Me një Virgjëreshë në krye, ju e dini që të gjithë do të arrijnë në aeroport në kohë, me këpucët e duhura dhe një sasi të përshtatshme ushqimesh. Kjo shenjë mund të japë energji të fortë në çdo kohë, por ju do t'i falënderoni kur të gjithë të bëni fotografi në plazh, në mal apo në cilindo destinacion që keni zgjedhur.

Peshorja

Nëse dikush mban gjallë shpresën e një udhëtimi gocash, kjo është Peshorja. Ajo nuk ka frikë të dërgojë një milion mesazhe, madje edhe të bëjë disa telefonata për të përcaktuar një listë prioritetesh. Pasi të kenë numrin e saktë të personave, fillojnë të planifikojnë si profesionistë. Me një Peshore në krye të udhëtimit të vajzave, mund të jeni të sigurt se gjithçka do të jetë një “shpërthim” i vërtetë. Të lindurit e kësaj shenje janë plot me ide të mahnitshme kur bëhet fjalë për destinacionet, vendet për të qëndruar dhe gjërat për të parë. Shpesh gjithçka që duhet të bëni është t'u jepni atyre disa para dhe do të kujdesen për çdo detaj të mundshëm.

Burimi: Bustle