Justin Timberlake publikoi këngën e tij “Selfish”, me titullin e njëjtë si kënga e Britney Spears, e publikuar në vitin 2011. Sigurisht, kjo s’i shpëtoi internetit i cili bëri atë që di të bëjë më mirë: Të kundërpërgjigjet.
 
Interneti vendosi që të rikthejë në krye të listave këngën 13-vjeçare të Brit, të nxitur nga një postim në Tëitter. Një person bëri shaka, duke thënë se “Britney do të publikojë(nte) këngën “Seflish” më 25 janar”, duke rikthyer hitin e saj “Selfish” nga albumi “Femme Fatale” (2011).

Kënga menjëherë u pozicionua në krye të listës në iTunes, ndërsa “Selfish” nga Justin Timberlake, e treta.

Personi që nisi të gjithë këtë lëvizje në X (ish-Twitter), në një intervistë për Entertainment Weekly u shpreh se e gjitha nisi si një shaka kur Justin njoftoi se do të publikonte këngën e tij të parë, pas 5 vitesh. “Pastaj të gjithë u bashkuam dhe thamë se Britney Spears do të rikthehet me një këngë “të re”. Ende s’e besoj që u bë kaq e madhe dhe i shohim rezultatet”, duke shtuar se janë të gjithë të lumtur që kënga po rikthehet pas kaq shumë vitesh.

 
Justin Timberlake është në radarin e fansave të Britney-t, pas publikimit të librit të saj me kujtime “The Woman in Me”, në të cilën rrëfente aspekte të patreguara më parë në marrëdhënien e saj me Timberlake, abortin dhe tradhtitë që të dy bënë ndaj njëri-tjetrit.

Artikuj të sugjeruar: